सोयाबीन उगवण तक्रारीबाबत मुखेड तालुक्यात तालुका तक्रार निवारण समितीची भेट...

खरीप हंगाम 2022 मान्सूनची उशिरा सुरुवात झाली. मुखेड तालुक्यातील 26 शेतकऱ्यांनी सोयाबीन उगवण व्यवस्थित न झाल्याच्या लेखी तक्रार तालुका कृषी अधिकारी कार्यालय मुखेड येथे प्राप्त झाल्या होत्या. या तक्रारी मुख्यत्वेकरून सुगाव, राजुरा, मंग्याळ, बाराळी, हसनाळ, करना, हीबट, सावरगाव व बिल्लाळी या गावातील होत्या. प्राप्त तक्रारीवरून तालुका तक्रार निवारण समिती ज्यात तालुका कृषी अधिकारी श्री बिराडे, पंचायत समिती कृषी अधिकारी श्री .देशमुख व कृषी विज्ञान केंद्राचे शास्त्रज्ञ प्रा. कपिल इंगळे व संबंधित गावातील कृषी सहाय्यक यांनी प्रत्यक्ष प्रक्षेत्राची पाहणी केली. प्रत्यक्ष पाहणी मध्ये उगवण क्षमता 10% ते 50 % पर्यंत आढळून आली. कमी झालेली उगवन ही सदोष बियाण्यांमुळे असल्याचे निदर्शनास आले. तक्रार दिलेल्या शेतकऱ्यांना प्रत्यक्ष निदर्शनास आलेल्या बाबीनुसार तालुका कृषी अधिकारी कार्यालयाकडून अहवाल देण्याचे काम चालू आहे. #soyabean #germination #problematic #seeds #crop #agri_dept #kvk​​ #sagroli​​ #nanded​​ #farm​​ #farmer #agriculture​​ #agri #agritech #agricultureworld #AzadiKaAmritMahotsav

#शेतकरी #शेत #शेती #सोयाबीन_उगवण #तक्रारी